Головкин-Муратаның жекпе-жегі 12 раундқа есептелген, үш титулды жеңіп алу құқығы да берілген. Тоғызыншы раундта қазақстандық боксшы қарсыласын техникалық нокаутқа жіберіп, жеңіске жетті.
Головкин жекпе-жекті ұйымдастырушылар мен шоуды тамашалауға келген көрермендерге алғысын білдірді. Ол Риото Мурата тамаша әрі табанды спортшы екенін атап өтті.
Мен барлық жанкүйерлеріме, әсіресе Қазақстаннан арнайы ат арылтып жеткен жанкүйерлеріме де алғыс айтамын. Рахмет сіздерге, жігіттер. Алға Қазақстан! Геннадий Головкин
Жекпе-жекті пуэрториколық төреші Луис Пабон бағалады. Қызу шайқастың басым бөлігінде қазақстандық боксшы Геннадий Головкин басым түсіп отырды.
Жекпе-жек алдында Геннадий 40 жасқа толған еді. Спортшыны мерейтойымен Қазақстан Президенті Қасым-Жомарт Тоқаев құттықтады.
