Головкин-Муратаның жекпе-жегі 12 раундқа есептелген еді. Тоғызыншы раундта қазақстандық боксшы қарсыласын техникалық нокаутқа жіберіп, жеңіске жетті.
Жапония халқына қонақжайлық пен бізге танытқан ыстық ықыласы үшін, жоғары дәрежеде ұйымдастырылған әдемі бокс кеші үшін алғыс айтамын. Мені қолдаған барша жанкүйерлеріме шексіз рахмет! Геннадий Головкин
Бүгінде Геннадий Жапонияда түскен фотоларын желіде бөлісіп жатыр. Спортшы Токио көшелерін аралап, қала тынысымен танысып жүр.
Токиомен танысудың сәті түскен кез, – деп жазды Геннадий Головкин.
Айта кетейік, 8 сәуір күні боксшы 40 жасқа толды. Оны мерейтойымен президент Қасым-Жомарт Тоқаев құттықтады.