Ұлттық олимпиада комитеті жазғандай, София (Болгария) көркем гимнастикадан әлем кубогі мәресіне жетті. Қазақстан құрамасының спортшысы Эльжана Таниева аталған әлемдік бәсекеде қола жүлдеге ие болды.
Ол ұршықпен жаттығу бойынша финалда 28,7 ұпайын еншіледі.
Айта кетейік, болгариялық Стильяна Николова жарыс жеңімпазы атанса, итальяндық София Раффаэли күміс иеленді.
