Қазақстандық балуан Мәдина Бақбергенова әйелдер күресінен Азия чемпионатының жеңімпазы атанды. 68 келіде белдескен Мәдина Бақбергенова финалда Олимпиада ойындарының жүлдегері Мейірім Жұманазарованы жеңді.
Ұлттық олимпиада комитетінің хабарлауынша, финалда Мадина 2:1 есебімен жеңіліп тұрып, белдесу соңына қарай ұтымды әдіс жасап, есепті алға жылжытты. Нәтижесінде белдесу соңында отандасымыз қарсыласынан 3:2 есебімен жеңісті жұлып алды.
Айта кетейік, күрес түрлерінен Азия чемпионаты Моңғолия астанасы Ұлан-Баторда өтіп жатыр.