Өзбекстан атынан шыққан этникалық қазақ Елнұр Абдураимов (8-0, 7 КО) Сауль "Канело" Альварес Дмитрий Биволдың бокс кешінде өнер көрсетті, деп жазды Sports.kz.
Абдураимов жеңіліп көрмеген кубалық боксшы Мануэль Корреамен (11-0, 7 КО) жұдырықтасты.
Жекпе-жек екінші жеңіл салмақта өтті және сегіз раундқа есептелген. Бірақ белгіленген уақытқа созылмады: Абдураимов екінші раундта техникалық нокаутпен жеңіске жетті. Бұған дейін ол кубалықты екі рет нокдаунға түсірген.
Осылайша Елнұр Абдураимов кәсіпқой мансабындағы тоғызыншы жекпе-жегінде жеңіске жетсе, Мануэль Корреа алғашқы жеңіліске ұшырады.
Кештің басты жекпе-жегінде Сауль Альварес (57-1-2, 39 КО) мен Дмитрий Бивол (19-0, 11 КО) жартылай ауыр салмақтағы WBA Super титулы үшін жұдырықтасады.