Орта салмақтағы қазақстандық боксшы Жәнібек Әлімханұлы (12-0, 8 КО) Геннадий Головкинмен (42-1-1, 37 КО) қолға түйістіру ықтималдылығына қатысты пікір білдірді, деп хабарлайды Sports.kz.
Мен рингте әрқашан "қазақ стилін" танытуға тырысып келемін. Ал біздің дәстүрімізде жас үлкеннің жағасынан алмайды. Мүмкін, ол орташа супер салмаққа ауысатын шығар, ал мен барлық атақтарды орта салмақтағы дивизионда жинауды көздеймін. Жәнібек Әлімханұлы
22 мамырда Лас-Вегаста Әлімханұлы екінші раундта британдық Дэнни Дигнумды (14-1-1, 8 КО) нокаутқа түсіріп, WBO нұсқасы бойынша орта салмақтағы "уақытша" әлем чемпионы атағын жеңіп алды. Осы жекпе-жектен кейін қазақстандық боксшы екі әлем чемпионы – Чарло Джермелл мен Деметриус Андраданы рингте күтетінін мәлімдеді.
