Әлімханұлы The Ring рейтингісінде Головкинді қуып жетейін деп қалды

Қазақстандық боксшы Жәнібек Әлімханұлы британдық Дэнни Дигнумды нокаутқа жібергеннен кейін The Ring рейтингісіне бірнеше сатыға көтерілді. Әлімханұлы WBO-ның "уақытша" әлем чемпионы атағын жеңіп алды, деп хабарлайды Zakon.kz.

Беделді The Ring журналы барлық салмақ дәрежесіндегі боксшылар рейтингісін жариялады, деп жазады sports.kz.

Орта салмақта WBA Super, IBF және IBO әлем чемпионы Геннадий Головкин көшбасшы болып саналады, екінші орында WBC белбеуінің иегері Джермалл Чарло, ал үшінші орында WBO нұсқасы бойынша чемпион Деметриус Андраде тұр.

Қазақстанның тағы бір өкілі, алтыншы орындағы Жәнібек Әлімханұлы бір сатыға көтеріліп, бесінші орынға жетті.

Бұған дейін Әлімханұлы британдық Дэнни Дигнумды нокаутқа түсіріп, WBO-ның "уақытша" әлем чемпионы атағын жеңіп алған болатын.

The Ring нұсқасы бойынша орташа салмақтағы 10 үздік боксшылар тізімі келесідей:

• Геннадий Головкин (Қазақстан);

• Джермалл Чарло (АҚШ);

• Деметриус Андраде (АҚШ);

• Джайме Мунгия (Мексика);

• Жәнібек Әлімханұлы (Қазақстан);

• Крис Юбэнк кіші (Ұлыбритания);

• Риота Мурата (Жапония);

• Карлос Адамес (Доминикан Республикасы);

• Сергей Деревянченко (Украина);

• Феликс Кэш (Ұлыбритания).