Екінші іріктеу кезеңінде екі команда да келесі раундқа өте алмады. Бұл жайт жауапты кездесулерден кейін белгілі болды.
"Астана" командасы Польшада қонақта болып, "Ракув" командасынан 0:5 есебімен ойсырай ұтылды. Өз алаңында да елордалық команда жеңіске жете алмады. Есеп: 0:1. Қорытынды есеп – 0:6, осылайша "Ракув" командасы ары қарай да бағын сынайтын болады.
Алматылық "Қайрат" алғашқы ойынында венгриялық "Кишвард" командасын өз алаңында қабылдап, 0:1 есебімен жеңіліп қалды. Дегенмен келесі кездесуге үміт артуға болып еді. Алайда ол үміт ақталмады. Венгриядағы жауапты ойында "Кишвард" алдыңғыдай минималды ұпаймен жеңіске жетті: 1: 0. Екі матчтың қорытындысы - 0: 2, яғни "Кишвард" келесі айналымға өтті.
Елорда уақытымен 00: 30-да петропавлдық "Қызыл-Жар" хорватиялық "Осиек" командасына қарсы жауапты кездесу өткізеді. Алғашқы ойынның қорытындысы бойынша хорватиялық клуб 2:1 есебімен жеңіске жеткен болатын.
Қостанайлық "Тобыл" екі ойынның қорытындысы бойынша "Линкольн Ред Импс" гибралтар клубын (3:0) ұтып, екінші іріктеу кезеңінен сәтті өтті.
