Елордалық ұжымды "Барыс Арена" мұз айдынына капитан белгісін таққан канадалық шабуылшы Линден Вей алып шықты, ол осы кездесудің 7-ші минутында гол соғып, есепті ашты.
9 минуттан кейін Кирилл Савицкий алаң қожайындарының басымдығын тағы да арттырды.
Бірақ "Барыс" жанкүйерлерінің қуанышы ұзаққа созылмады. Бірінші 20 минуттың соңында, үзіліске сегіз секунд қалғанда қарсы тараптың фин шабуылшысы Теэму Пулккинен бір шайба соқты.
Ойынның соңына бес секунд қалғанда қазақстандық команданың жаңа капитаны Линден Вей дубль жасады.
Келесі ойынды "Барыс" өз алаңында 15 қыркүйекте Омбының "Авангардымен" өткізеді.