Отандасымыз Бек Нұрмағанбет (7-0, 5 КО) кәсіпқой рингте сегізінші жекпе-жегін өткізді, деп хабарлайды Sports.kz.
Ол Мехикодағы (Мексика) бокс кешінде өнер көрсетіп, жергілікті боксшы Лусиано Араухомен (6-5-3, 3 КО) жұдырық түйістірді.
Осылайша Бек Нұрмағанбет кәсіпқой бокстағы сегізінші жекпе-жегінде де жеңіске жетті, ал Лусиано Араухо өз мансабында алтыншы рет жеңіліске ұшырады.
Бек Нұрмағанбет 2021 жылы супер орта салмақтағы WBA International титулын жеңіп алған болатын. 24 жастағы отандасымыз 2020 жылдан бастап кәсіпқой бокста өнер көрсетіп келеді.
