Алматылық команда үшін бұл - топтық кезеңдегі екі тең ойыннан кейінгі бірінші жеңісі. Француздармен кездесуде "Қайратқа" Дәурен Тұрсағұлов, Кайо және Диего Фаверо жеңіс әкелді.
Бұл жеңіс Қазақстан командасының кіші топтың үздік үштігінен орын тебуге мүмкіндік береді. Мұндай жағдайда жарыс регламентінде көрсетілгендей, Чемпиондар лигасының элиталық сатысына да жолдама беріледі.
Бұған дейін Какау шәкірттері "Халле-Гооикпен" (Бельгия) - 2:2 және испандық "Пальмамен" 2:2 есебімен тең түсіп, бейбіт тарқасқан.
Айта кетсек, тағы бір Қазақстан командасы - "Аят" Хорватияның "Пула" клубымен кездесті. Топтың қорытынды матчында отандық ұжым қарсыластарына 2:5 есебімен жол беріп, жарыстан тыс қалды.
УЕФА Чемпиондар лигасының элиталық раундының жеребесі 8 қарашада тартылады.
