ҚПЛ-2022 чемпионы кім болатыны соңғы 26-турда шешілді. Атақ үшін соңғы тур алдында 2 ұпаймен ғана ерекшеленген екі беделді команда - "Астана" мен "Ақтөбе" өзара таласқа түсті. Турнир кестесі бойынша жоғары тұрған елордалық команда сыртта қарағандылық "Шахтермен" кездесіп, 3:2 есебімен жеңіске жетті. Осылайша, Батыс Қазақстан клубына ешқандай мүмкіндік қалмады.
"Ақтөбе" өз алаңында алматылық "Қайратты" қабылдады. Бірінші таймда 0:1 есебімен ұтылып жатқан олар арада 6 минут өткенде ұпайды теңестіріп, 3:1 есебімен тез алға шықты. Ал екінші таймды ақтөбеліктер 4:1 есебімен аяқтады. Бұл жеңіс "Ақтөбеге" ҚПЛ чемпионатында 2-ші орын алуға мүмкіндік берді.
ҚПЛ-2022 чемпионатының қола жүлдегері Қостанайдың "Тобылы" Оралдың "Ақжайығымен" сыртқы алаңда кездесіп, 3:1 есебімен жеңіске жетті.
26-турдың қорытындысы бойынша Премьер-лига қатарынан "Ақжайық" пен "Тұран" командалары шеттеді. Алдағы маусымда олардың орнын "Оқжетпес" (Көкшетау) пен "Қайсар" (Қызылорда) басады.