Месси мен Роналду бір-біріне қарсы ойнайды

Әлемдік футбол жұлдыздары Лионель Месси мен Криштиану Роналду француз клубының Таяу Шығыстағы турнесі аясында бір-біріне қарсы ойнауды жоспарлап отыр. "ПСЖ" мен "Аль-Наср" арасындағы жолдастық ойын әр-Риядта өтеді, деп хабарлайды Zakon.kz.

Жолдастық кездесу Фахд король атындағы стадионда өтеді, деп мәлімдеді Франция клубаның баспасөз қызметі.

Матчқа 10 күн қалғанда Месси мен Роналдудың бұл ойынын кейбіреулер "тарихи кездесу" деп атады, өйткені олар алаңда соңғы рет кездесуі мүмкін.

Соңғы рет 2020 жылғы желтоқсан айында Чемпиондар лигасының матчында Роналдудың "Ювентусы" Мессидің "Барселонасын" 3:0 есебімен жеңген еді.