Елена Рыбакина дүниежүзінің 24-ракеткасы, италиялық теннисші Мартина Тревизанмен ойнады.
Матч 1 сағат 9 минутқа созылды.
Қазақстандық теннисші 6:3, 6:0 есебімен жеңіске жетіп, турнирдің алғаш рет жартылай финалына өтті.
"Әрі қарай өткеніме қуаныштымын. Қолдап келгендердің бәріне рақмет айтамын. Мен мұндағы жағымды атмосфераны бірден байқадым. Көрермендер де тамаша. Мені дәл осылай келесі матчта да қолдайды деп сенемін. Доптың алғашқы соққыдан түспегеніне көңілім толмады. Екінші сет басталғанда бәрі ойдағыдай болды және қиындықсыз жеңіске жеттім, өз жеңісіме қуаныштымын", - деді Елена Рыбакина матчтан кейін.
