Нұрмағанбеттің қарсыласы Венесуэла өкілі Архенис Эспанья болды. Олардың супер орта салмақтағы жекпе-жегі сегіз раундқа жоспарланған болатын, бірақ ол көпке созылмады, екінші үш минутта нокаут тіркеліп, жерлесіміз жеңіске жетті. Осылайша, Бек кәсіпқой бокстағы оныншы жеңісіне қол жеткізді, ал Эспанья өз мансабындағы екінші жеңілісін тіркеді, деп хабарлайды Sports.kz.
Айта кетсек, Әбілхан Аманқұл Сауль "Канело" Альварестің бокс кешіндегі андеркардта өнер көрсетіп, мексикалық Фабиан Риос Фраустоны екінші раундта техникалық нокаутқа жіберіп, ойынды мерзімінен бұрын аяқтаған еді.