1/4 финалда жерлесіміз Азия чемпионатының екі дүркін күміс жүлдегері және Жапонияның бес дүркін чемпионы жапон боксшысы Кадзума Аратакпен қолғап түйістірді. Санжар Ташкенбай төрешілердің бірауыз шешімімен жеңіске жетті, бірінші раундта-ақ қазақстандық қарсыласын нокдаунға жіберді, деп хабарлайды Sports.kz.
Осылайша, әлемдік біріншіліктің жартылай финалына жолдама алған Санжар кем дегенде "қоладан" үмітті. Бұған дейін жартылай финалға Қазақстан құрамасы сапынан Асланбек Шымбергенов (71 кг) пен Нұрбек Аралбай (80 кг) шыққан болатын.
Айта кетсек, Санжар Ташкенбай қазіргі Азия чемпионы, ал 2019 жылы жастар арасында әлем чемпионы атағын жеңіп алған болатын.
