Қазақстандық теннисші Елена Рыбакина Италияның астанасы Римдегі WTA 1000 турнирінің финалында әлемнің 47-ракеткасы, украиналық Ангелина Калининамен ойнады.
Елена Рыбакина бірінші сетте 6:4 есебімен ұтты, екінші сетте қазақстандық теннисші 1:0 есебімен алға шыққанда, Ангелина Калинина ойынды жалғастырудан бас тартты. Осылайша, қазақстандық теннисші чемпион атанды.
Қазақстандық теннисші Римдегі жеңісінен кейін тағы 1 000 ұпай жинап, 5 090 ұпаймен әлемнің 4-ракеткасы атанды.
Бұл - Елена Рыбакинаның биылғы екінші титулы. Ол наурызда Индиан-Уэллстегі (АҚШ) турнирде жеңіске жетті.
