Қарағандылық Яна Ким ақтөбелік Амира Қазтуғанмен бірге финалға дейін жетіп, онда тартысты бәсекеде ресейліктер Мария Бахтина – Нина Сазоноваға жол берді – 5:7, 6:4, 2:10.
Сондай-ақ Грузияда 14 жасқа дейінгілер арасында Tennis Europe додасында Родион Трайгель жекелей және жұптық сында финалист атанды.
Ол финалда жарыстың бірінші ракеткасы, ресейлік Иван Макаровқа жол берді 7:6 (7:4), 4:6, 3:6.
Жұптық сында Мансұр Сайыновпен бірге соңғы бәсекеде ресейлік Иван Макаров – түркиялық Ягыз Йылдыздан ұтылды – 3:6, 4:6.
Шолпан-Атада (Қырғызстан) Азия теннис федерациясы аясында ұйымдастырылған турнирде қазақстандық Сара Хамитова абсолютті чемпион атанды.
Сара жекелей сында финалда отандасы Адель Хұсайыновадан басым түсті – 6:2, 6:2.
Жұптық сында тағы бір қазақстандық Виолетта Волковамен бірге А.Хұсайынова – ресейлік Екатерина Кирюшенконы тізе бүктірді.