Жарыстың екінші күнінде Бақытжан Әбдірахманов үздік үштіктен көрінді. Ол ерлер арасында 73 келіге дейінгі салмақ дәрежесінде белдесті.
Ол жұбаныш финалында тәжірибелі дзюдошы, косовалық Акил Киякованы вазари ұпайымен ұтты.
Бақытжан Әбдірахманов жарыс барысында барлығы 5 кездесу өткізіп, оның төртеуін жеңіспен аяқтады.
Іріктеу кезеңінде Венгрия және Франция спортшыларынан, жұбаныш белдесуінде түркиялық дзюдошыдан басым түсті.
Айта кетейік, жарыстың бірінші күнінде Айболат Ыстыбай (66 келі) жүлдегерлер қатарынан көрінген еді. Загребте (Хорватия) өтіп жатқан әлемдік бәсекеде 83 елден 500-ден астам татами шебері бақ сынап жатыр.