Қазақстанның Туризм және спорт министрлігінің мәліметінше, көшпенділер ойындарына 100-ден астам мемлекеттен 4000-ға жуық спортшы қатысады. Астанаға 100 мыңнан астам турист келеді.
Ат спорты, ұлттық күрес түрлері, садақ ату, жамбы ату, дәстүрлі интеллектуалды ойындар, саятшылық өнер, арқан тарту сынды ойынның 20 түрінен жарыс және ұлттық өнердің 10 түрінен арнайы көрсетілім сайысы өтеді.
Астанада арнайы "Көшпенділер әлемі" этноауылы құрылады. Бір күнде 30 мың келушіні қабылдайтын этноауылда Қазақстан мен әлем елдерінің үздік қолөнер шеберлерінің көрме-жәрмеңкесі, шеберлік сабақтары, ақындар айтысы мен төл мәдениетімізді паш ететін қосымша іс-шаралар ұйымдастырылады.
V Дүниежүзілік көшпенділер ойындарының ұраны - "Ұлы Дала дүбірі".