Туризм және спорт министрлігінің ақпаратынша, осыған дейінгі ақпан айында басталған конкурста қатысушылардың ешбір эскизі комиссия мүшелерінің көңілінен шықпауына байланысты Комиссия 1-ші конкурсты өтпеді деп шешім шығарған.
"Киімдер ту ұстаушылар, салтанатты рәсім мен жаттығуға арналған жұптан тұрады. Конкурс кезінде келіп түскен жұмыстарды арнайы комиссия құрамы қарап, ортақ шешім қабылдайды. Жұмыс тобының қатарына Туризм және спорт министрлігі Спорт және дене шынықтыру комитеті, ҚР Ұлттық Олимпиада комитеті, Қазақстан спортшылары одағының өкілдері, даңқты спортшыларымыз бен БАҚ қызметкерлері кіреді."ҚР ТСМ Спорт және дене шынықтыру комитеті баспасөз қызметі
Конкурс екі кезеңге созылады және әрбір кезең жеңімпазы ереже шарттарына сәйкес комиссия отырысында анықталады.
Конкурс кезеңдері:
- I кезеңде комиссия конкурсқа қатысушылар өтініштерін, материалдарын қабылдап, қарайды (2024 жылғы 10 сәуір 20:00-ден 15 сәуір сағат 18:30 дейін).
- ІІ кезеңде конкурс жеңімпаздары анықталып, жарияланады (2024 жылғы 16-17 сәуір аралығы).
Конкурсқа қатысушыларға түсіндіру жұмысына және жалпы конкурс өткізуге ҚР ТСМ Спорт және дене шынықтыру комитеті Спортты дамыту дирекциясының Мемлекеттік сатып алу бөлімінің бастығы Ержан Асқаров жауапты.
Бұған дейін, жазғы Олимпиада биыл 26 шілде мен 11 тамыз аралығында Париж ареналарында өтетіні хабарланған болатын.
Франциядағы жазғы Олимпиадаға әлемнің 205 елінен 10 мыңнан астам спортшы қатысады, онда спорттың 32 түрі бойынша 329 медаль жиынтығы ойналады. Қазақстан ұлттық құрамасы спорттың 20 түріне қатысуды жоспарлап отыр. Әзірге Қазақстан спортшылары жазғы ойындарға 31 лицензия алғаны белгілі.
