Қазақстандық мергендер аралас командалар арасында пневматикалық тапаншадан (10 метр) атудан жарыста "күміс" алды.
Финалда қазақстандық жұп Түркиядан келген Симал Йылмаз бен Исмаил Келестен жеңіліп қалды. Тұғырдың үшінші сатысында қытайлық спортшылар, Әлем чемпиондары-Ли Хуэ мен Ю Хие болды.
Бакуде ел намысын қазақстандық 21 спортшы қорғайды, олар үшін бұл жарыстар рейтингтік болып саналады.
Сонымен қатар, біздің стендтік ату командасының өкілі Эдуард Ещенко Дохадағы (Катар) іріктеу турнирінде жақсы өнер көрсетті. Осы жарыстар барысында ол Париждегі 2024 Олимпиада ойындарына қатысуға квота алды.