Айта кетсек, элиталық дивизионның B тобында өнер көрсетіп жатқан Қазақстан құрамасы алғашқы матчта Норвегиямен кездесіп, 2:1 есебімен жеңіске жетті.
"Біз қарсылас команданы талдадық, олардың Латвия құрамасына қарсы жолдастық кездесулерін қарап шықтық. Норвегтердің агрессивті ойын үлгісінде ойнайтынын білдік, сондықтан жігіттерден дәл сондай қарқынмен ойнауды сұрадық. Матчты баяу бастағанымызбен, Артём Королёвтің күш қолданған әдісі командаға серпін беріп, жинақталып алдық. Одан кейін текетірес басталды, жеке-дара сәттерде үстемдік көрсеттік. Екінші кезеңнің алғашқы жартысында басымдықты өз қолымызға алдық. Алайда, кейде ойын тәртібіне қатысты қиындықтар болды. Қақпашымыз Максим Павленко бірнеше рет команданы құтқарып қалды. Ол — адал әрі сенімді қақпашы. Жеңдік, енді әрі қарай жылжимыз", деп sportarena.kz хоккейден Қазақстан құрамасының бас бапкері Олег Болякиннің сөзін келтіреді.
Бүгінгі таңда хоккейден Әлем чемпионаты Дания мен Швецияда өтіп жатыр. Қазақстан ойындарының бәрін Данияның Хернинг қаласында өткізеді.