Бұл туралы бүгін, 2025 жылы 7 маусымда ҚР Ұлттық Олимпиада комитетінің баспасөз қызметі хабарлады:
"Жарыс аясында еркін жаттығулар финалы өтті. Қазақстандық Милад Карими өз өнері үшін 14.400 балл алды. Бұл нәтиже оған екінші орынды әперді. Бірінші орында - Карлос Юло (Филиппин) - 14.600. Үздік үштікті Мун Гын Ен (Оңтүстік Корея) 14.033 ұпаймен түйіндеді".
Сондай-ақ, финалда Дмитрий Потанин де өнер көрсетіп, қола медальдан бір қадамға қалыс қалды (13.833).
"Бұған дейін Қазақстан командалық көпсайыста үшінші орын иеленген болатын", - деп толықтырады ҚР ҰОК.
Айта кетсек, қазақстандық волейболшылар Орталық Азия Ұлттар лигасында жүлдеге бір қадам жетпей қалған болатын.