"Жеңістеріңіз құтты болсын! Бокспен тек мықты, күш-жігері мол адамдар шұғылданады. Бұл – ерекше спорт. Баршаңызға сәттілік тілеймін. Мемлекет әрқашан сіздерді қолдайды. Қазақстанда бокстың келешегі зор болатынына ешқандай күмәнім жоқ", - деді Қасым-Жомарт Тоқаев.
Президент спортшылармен естелік суретке де түсті.
Сурет: akorda.kz
Айта кетейік, бүгін, 6 шілдеде Астанада бокстан Әлем кубогы кезеңінің соңғы жарыс күні өтіп жатыр.
Қазақстан құрамасының атынан ақтық сынға 12 боксшы жолдама алды. Екі сессия аясында жүлделер сарапқа салынады.