Спортшы қыз өзінің ізгі ісі жайынан Instagram-дағы парақшасында қуана бөлісті.
"Жаттығудан кейін өзіме тәнті болып келе жатырмын. Минус 2 миллион, 40 бақытты бала + күлімдеген көпбалалы ата-аналар. Жақсылық санмен емес, жүрекпен өлшенеді", деп жазды ол.
Осылайша Назым Қызайбай жаңа оқу жылы қарсаңында 40 баланың мектепке дайындығына демеушілік танытып, көпбалалы отбасыларға көмек көрсеткен.
Жеңіс шаршы алаңда ғана емес, жүректен шыққан ізгі амалдарда екенін тағы бір паш еткен боксшы қыз желідегілердің ыстық ықыласына бөленді.
Айта кетсек, 2025 жылы 5 мамырда Қазақстан бокс федерациясы бір топ боксшыларға, соның ішінде Назым Қызайбайға да доллардай қомақты сыйақы сертификаттарын ресми түрде табыстаған болатын.
Бұған дейін Семсерлесуден Әлем чемпионатында Қазақстан құрамасы қола медаль иеленгенін жазғанбыз.