Ширек финалда қазақстандық теннисші әлемнің бірінші ракеткасы Арина Соболенконы небәрі бір сағаттан сәл аса уақыт ішінде сенімді түрде жеңді – 6:1, 6:4.
Ойын барысында Елена Рыбакина 11 эйс жасап, бір ғана қос қателік жіберді және тапқан бес брейк-пойнттың үшеуін тиімді пайдаланды.
Цинциннатидегі финал жолдамасы үшін Елена польшалық теннисші Ига Швентекпен таласады. Ол 1/4 финалда ресейлік Анна Калинскаяны жеңген еді.