Рыбакина турнирдің екінші айналымында румыниялық теннисші, әлемнің 48-ракеткасы Жаклин Кристианмен (48-орын) кездесіп, екі сетте жеңіске жетті. Есеп – 6:4, 6:3.
Осылайша, Елена 1/8 финалға жолдама алды, ал қарсыласы турнирдегі өнерін аяқтады.
Енді отандасымыз келесі айналымда польшалық теннисші Линда Носковамен шеберлік байқасады.
Айта кетейік, биылғы Ухань турнирінің жүлде қоры – 3 654 963 АҚШ доллары. Жеңімпаз 596 мың доллар және 1000 рейтингтік ұпай иеленеді. Турнирдің қазіргі чемпионы – Беларусь спортшысы, әлемнің бірінші ракеткасы Арина Соболенко.