"Starlink-тің 56 жер серігінің орбитаға жіберілгені расталады", делінген компанияның Twitter-дегі парақшасында.
Зымыран Флоридадағы Канаверал мүйісіндегі ғарыш айлағынан жергілікті уақыт бойынша 03:31-де ұшырылды. Falcon 9-дың бірінші бөлігі ұшыру сәтінен шамамен 8,5 минут өткеннен кейін Атлант мұхиты бетіндегі платформаға түсті.
Starlink желісі Интернетке қол жетімділікті қамтамасыз ететін, салмағы 260 келі болатын көптеген аппараттардан тұрады. SpaceX бағамы бойынша, жалпы 11 мың жер серікті ұшыру және оларды қолданысқа шығару 10 млрд долларды құрайды.
Компанияның мәліметінше, ол 5G стандартына сәйкес келетін 1 Гбит/с жылдамдықпен кең жолақты Интернетке қолжетімділікті қамтамасыз ете алады. 2019 жылдың мамырынан бастап SpaceX 3,8 мыңнан астам Starlink жер жер серіктерін орбитаға шығарды.