Бұл жаңа мүмкіндікті пайдаланушы хабарлама үстінен шыққан мәзір арқылы тікелей чатта іске қоса алады. Еске салғышты орнатқаннан кейін, қолданушы өзі үшін ыңғайлы уақытта сол хабарламаға қайта оралу қажеттігі туралы ескерту алуды жоспарлай алады. Мысалы, екі сағаттан, сегіз сағаттан кейін немесе бір күннен соң еске салу сияқты дайын уақыт интервалдарын таңдауға болады.
Еске салғыш орнатылған кезде, хабарлама жанында шағын қоңырау белгішесі пайда болады – бұл еске салғыштың белсенді екенін білдіреді. Белгіленген уақыт келгенде, қолданушы еске салынған хабарламаның толық мәтінін, тіркелген медиафайлдардың алдын ала қаралымын және ол жіберілген чатты көретін хабарлама алады.
Сурет: wabetainfo
WABetaInfo жазуынша, барлық еске салғыштар тек құрылғының өзінде өңделеді. Бұл еске салғыштың мазмұнына чаттағы басқа адамдар немесе WhatsApp қызметінің өзі қол жеткізе алмайтынын білдіреді.
Жаңа функция қолданушыларға мессенджердегі көптеген диалогтар арасында жоғалып кетуі мүмкін маңызды тапсырмалар мен мәселелерді назардан тыс қалдырмауға көмектесу үшін жасалған. Сонымен қатар, қоңырау белгішесі чаттарда белгіленген хабарламаларды тез әрі оңай табуға мүмкіндік беретін көрнекі нұсқаулық қызметін атқарады.