Қосымшада жоғалып кететін хабарламаларға арналған жаңа интерфейс пайда болады. Қазіргі уақытта қолданушылар чаттарында мұндай хабарламаларды қосып, стандартты уақыт нұсқаларын таңдай алады: 1 күн, 1 апта және 90 күн. Ал жаңа "оқылғаннан кейін" таймері әлдеқайда икемді баптауларды ұсынады.
WhatsApp енді қолданушыларға хабарламалар оқылғаннан кейін өшуі керек пе, жоқ па – соны өздері шешуге мүмкіндік бермек. Бұған дейін әдепкі уақыт 15 минут болған. Енді қосымша хабарламаның қашан өшетінін толық бақылауға жағдай жасайды. Қолжетімді уақыт нұсқалары: 5 минут, 1 сағат және 12 сағат. Бұл таймерді барлық чаттарға немесе жеке әңгімелерге бөлек қосуға болады.
Сурет: wabetainfo
Жаңа функцияда хабарламаның қанша уақыт сақталатынын басқарудың екі тәсілі ұсынылады:
Бірінші тәсіл – стандартты таймер. Бұл жағдайда уақыт санағы хабарлама жіберілген сәттен басталады. Мысалы, егер 24 сағат таңдалса, хабарлама алушы оқыса да, оқымаса да, жіберілгеннен кейін 24 сағат өткен соң екі құрылғыдан да өшеді.
Екінші тәсіл – "оқылғаннан кейін" таймері. Мұнда уақыт санағы хабарламаны алушы нақты ашып, оқыған сәттен басталады. Мысалы, егер жіберуші 5 минутты таңдаса, оның құрылғысынан хабарлама 5 минуттан кейін өшеді, ал алушыда уақыт санағы тек хабарлама оқылғаннан кейін ғана басталады. Егер алушы хабарламаны жіберілгеннен кейін 3 сағат өткен соң оқыса, онда ол оның құрылғысынан 3 сағат 5 минуттан кейін өшеді.
Бұған дейін iPhone-да жаңа эмодзилер пайда болғанын жазғанбыз.