Жақында Mercedes-Benz өз сайтында жаңа электрлі C-Class моделінің интерьерін көрсетті. Көптеген интернет қолданушылар оны барынша футуристік, яғни болашақ стилінде жасалған деп бағалады.
Бұл көліктің басты ерекшелігі – MBUX Hyperscreen деп аталатын үлкен экран. Ол алдыңғы панельдің бір шетінен екінші шетіне дейін созылып, бүкіл панельді біртұтас цифрлық кеңістікке айналдырады.
Бұған дейін брендтің бұрынғы бас дизайнері Горден Вагенер "үлкен экрандар керек" деп, бәсекелестердің минимализм бағытын сынаған болатын. Жаңа C-Class моделіне қарасақ, Mercedes бұл идеяны шегіне дейін жеткізген сияқты.
Сурет: media.mercedes-benz
Әлеуметтік желілерде қолданушылар бұл экранды әзілдеп, "есіктерге дейін созуға болар еді" деп жазып жатыр.
Жалпы, жаңа C-Class көлігі пайдаланушыға барынша цифрлық тәжірибе ұсынуға бағытталған. Бірақ кейбіреулер экрандардың тым көп болуы назарды бұзатынын да айтып жатыр.