Автокөлік брендінің ресми сайтындағы мәліметке сәйкес, бұл – Mercedes-AMG GT желісіндегі алғашқы толық электрлі көлік. Модельдің ең қуатты нұсқасы 100 км/сағ жылдамдыққа небәрі 2,4 секундта жетеді. Ал оның ең жоғары жылдамдығы – 300 км/сағ.
"Көлік бір қуаттаумен 700 шақырымға дейін жүре алады. Ал жылдам қуаттау жүйесі аккумуляторды 10%-дан 80%-ға дейін шамамен 11 минутта толықтырады", – делінген модель сипаттамасында.
Сондай-ақ бренд жаңа AMG Force S+ функциясын таныстырды. Бұл режим қосылғанда электромобиль бензинмен жүретін V8 қозғалтқышының дыбысын салып, соған ұқсас әсер береді.
Жаңа электрокардың сатылымы биыл басталады.
Бұған дейін BMW компаниясы соңғы үлгідегі моделін ұсынғанын жазғанбыз.