Алматы қаласының бас санитар дәрігері Жандарбек Бекшин зейнеткерлікке шығуына байланысты 5 қаңтардан бастап қызметінен кетеді. Мәліметті бас санитар дәрігердің өзі растады.
Менің келісімшартым аяқталды. "Мемлекеттік қызмет" заңына сәйкес зейнеткерлер тағы бір жыл қосымша жұмыс істей алады. Маған бір жыл ұзартып бергендіктен, екінші рет бұлай жасай алмаймыз. Сол себепті қаңтар айында кетемін.Жандарбек Бекшин
Ол 2020 жылғы 18 сәуірде Алматы қаласының бас санитарлық дәрігері болып тағайындалған еді.
Санитарлық-эпидемиологиялық бақылау департаментінің басшысы қызметін Қарлығаш Әбдіжаббарова уақытша атқарады.
