Бекеттер баға спекуляциясына жол беруі мүмкін деген болжамға негіз бар - министр

Маңғыстау облысының ай сайынғы тұтынуы 18 мың тоннаны құрайды, бұл «ҚазГӨЗ» ЖШС – 14,5 мың тонна, «Атырау МӨЗ» ЖШС – 3,5 мың тонна есебінен өтеледі. Бұл ретте шамамен автокөліктердің 90%-ы газды отын ретінде пайдаланады, деп хабарлайды Zakon.kz

ҚР Энергетика министрі Мағзұм Мырзағалиевтің мәліметінше, 2021 жылғы 20-25 желтоқсанда өткізілген сауда қорытындысы бойынша АГТС үшін сатып алу бағасы:

·        ҚазГӨЗ – тоннасына 130 684 теңге немесе литріне 77 теңге;

·        АМӨЗ –  тоннасына 109 872 теңге немесе литріне 65 теңге.

Логистикалық шығындарды ескере отырып, Маңғыстау облысының АГТС-тері үшін газдың өзіндік құны тоннасына 136 723 теңге немесе литріне 80 теңге шегінде қалыптасты.

Маңғыстау облысындағы ағымдағы бөлшек бағасы литріне 100-ден 120 теңгені құрайды. Сәйкесінше, АГТС маржасы литріне 20-40 теңгені немесе 25-50%-ді құрады. Бұл бізге АГТС арасында мүмкін болатын баға алыпсатарлықтары туралы болжам жасауға негіз береді. Энергетика министрі Мағзұм Мырзағалиев

Бүгін Үкіметте Маңғыстау облысындағы әлеуметтік-экономикалық жағдайды қарастыру үшін комиссия құрылғаны хабарланған болатын.

Қазіргі уақытта Маңғыстау облысының автогаз толтыру станцияларының иелері бизнестің әлеуметтік жауапкершілігі аясында бастамашылық тәртіппен газ құнын литріне 120-дан 85-90 теңгеге дейін төмендету туралы шешім қабылдады. 

Ұзақ мерзімді баға тұрақтылығын қамтамасыз ету және баға дәліздерін белгілеу жолымен газ бағасының алыпсатарлық секірулеріне жол бермеу жөніндегі жүйелі шаралар іске асырылатын болады.