Ведомство басшысы сұйытылған мұнай газының құнын 50 теңгеге дейін төмендету мүмкіндігіне қатысты сұраққа жауап берді.
Ол барлығы өндірістің өзіндік құнына негізделгенін атап өтті. Бүгінгі таңда 1 тонна отынның өзіндік құны шамамен 100 мың теңгені құрайды.
Бұл – 1 тоннасы 50-60 мың теңге болсын деген жұртшылық қалауынан артық сома. Бізде екі жағдай бар: біріншісінде бағаны төмендетіп, бірақ үнемі тапшылық күйінде отырамыз немесе зауыттарымыз бір сәтке тоқтайды. Қазір Жаңаөзен ГӨЗ бойынша жағдай соған сайып келеді. Немесе осындай көңілге қатты қонымды емес шаралар қабылданады. Бірақ бұған келіспеске шара жоқ, өйткені бұл – бетпе-бет келіп отырған объективті шындық. Энергетика министрі Мағзұм Мырзағалиев
Энергетика министрі барлық жерде ешкім алып тастамаған нарық заңдары бар екенін айтты.
Журналист министрден бас көтерушілердің талаптарын (бағаны 50 теңгеге дейін түсіру - авт.) орындауға дайын – дайын еместігін қайталап тағы сұрады.
Бүгінгі таңда біз мұндай мүмкіндікті байқап отырған жоқпыз. Энергетика министрі Мағзұм Мырзағалиев
