Қазір арқаны кеңге салатын уақыт емес, ауру өсімінің шыңы әлі алда. Егер біз пандемия кезеңіндегі қайғылы оқиғаларды қайталағымыз келмесе, санитарлық қызметтердің нұсқауларын жадымызда сақтап, оны қатаң сақтауымыз қажет. Сондықтан әрбір қазақстандыққа өз денсаулығына, жақындарының, туыстарының денсаулығына алаңдаушылық танытып, қысқа мерзімде вакцина алуға және ревакциналаудан өтуге кезекті рет баса кеңес береміз. Премьер-министрдің орынбасары Ералы Тоғжанов
Оның айтуынша, бұл үшін елімізде барлық қажетті жағдайлар жасалған.
Елімізде жеткілікті қор бар: шамамен 5 млн доза. Оның 2,8 миллионы вакциналауға (Sinopharm, Pfizer) және қайталама вакциналауға 2,2 млн дозасы (QazVac, Sinopharm, Pfizer) арналған. 60 жастан асқан адамдарға қосымша Pfizer вакцинасы ұсынылады. Сондай-ақ, ел өңірлері 23,8 миллионнан астам вакцина дозасымен қамтамасыз етілген. Ералы Тоғжанов
