Мұнай өңдеу зауытының тұрақты жұмысының арқасында бізде мұнай өнімдерінің қолайлы қалдықтары да қалыптасты. 2 ақпандағы жағдай бойынша дизель отынының жалпы қалдығы 315,4 мың тонна болды. 1 қазанмен салыстырғанда, қалдық 113,8 мың тоннаға өсті. АИ-92 бензинінің қоры 299,2 мың тоннаны құрайды. 1 қазанмен салыстырғанда, қалдық та 70 мың тоннаға жуық артты. Қазақстан Республикасының Энергетика министрі Болат Ақшолақов
Энергетика министрлігінің басшысы Қазақстанда 180 күн мерзімге мұнай өнімдерін бөлшек саудада өткізуге шекті бағалар (қосылған құн салығын қоса алғанда) мынадай деңгейде белгіленгенін еске салды:
АИ-92/АИ-93 маркалы бензин – литріне 182 теңге;
АИ-95 бензині – литріне 215 теңге;
- дизельдік отын – аймаққа байланысты литріне 230 теңгеден 260 теңгеге дейін.