Түрлі факторлар бар, 60 пайызы шикізатқа байланысты, шикізаттың өзі қымбаттады, себебі жемнің бағасы көтерілді, т.б. Қаптамаға келетін болсақ, негізінен импорттық қаптамалар, теңге бағамы төмендегендіктен, бұл да әсер етеді. Оның үстіне тарату арналары да өзгерді. Мұның барлығы сүттің жиынтық бағасына әсер етеді, сондықтан сүттің бағасы ішінара 30%-ға дейін өседі. Ол қазірдің өзінде қымбаттап кетті. Қазақстан Республикасының Сауда және интеграция министрі Бақыт Сұлтанов
Сондай-ақ ведомство басшысы әлеуметтік маңызы бар тауарларға тоқталып, өнім тапшылығы болмайтынын айтты.
Бір ғана әлеуметтік маңызы бар өнімнің 19 түрі бойынша бізде өндірушілердің қоймасында миллион тоннаға жуық түрлі қор бар, жеткізушілердің қоймасында миллион тоннаға жуық қор бар. Бұл үш айда миллион тонна жейміз деген сөз емес. Бұл қор жаңартылуда, өйткені бір айдан кейін жаңа піскен көкөністер мен жемістер келе бастайды. Сондықтан бізде тапшылық мәселесі жоқ. Баға өсуінің негізгі факторлары, менің ойымша, азайып қалды. Ақпан айында айырбас бағамы күрт өсіп кетті, бұл да сол кездегі бағаларға әсер етті. Ал басты фактор – дүрбелең. Біз барлық субъективті факторларды жою үшін жұмыс істеп жатырмыз.Бақыт Сұлтанов