Қазіргі уақытта Қазақстанда жалпы ауданы 2,4 миллион гектар болатын 14 ұлттық саябақ бар. Соңғы жылдардағы статистика туристер санының артқанын көрсетеді. Өткен жылы ұлттық парктерге 1,5 миллионға жуық адам келді, бұл 2020 жылмен салыстырғанда 40%-ға жоғары. Ұлттық саябақтар аумағында экотуризмді дамыту халықаралық тәжірибені ескере отырып, маршруттар мен соқпақтарды ұйымдастыру арқылы іске асырылады.ҚР Мәдениет және спорт министрі Дәурен Абаев
Министр қазіргі заманғы туристік орталықтар, кемпингтер, этникалық ауылдар құру ұсынылып отырғанын айтты.
Ол осы мақсатта барлық ұлттық табиғи саябақтардың бас даму жоспарлары бекітіліп, кейбір саябақтар бойынша түзету жұмыстары жүріп жатқанын атап өтті.
Алматы тобына жататын ұлттық саябақтардың орналасуы мен танымалдылығын ескере отырып, министрлік төрт саябақ бойынша белсенді жұмысты бастады: Іле-Алатау, Көлсай көлдері, Шарын, Алтын-Емел. Экотуризмді дамытудың бас жоспарлары әзірленді. Жалпы инвестиция көлемі 26,5 млрд теңге, инвесторлар анықталды. Дәурен Абаев
Мәселен, жобаны жүзеге асыруға 2020-2021 жылдары шамамен 2 миллиард теңге инвестиция тартылды. Іле-Алатау ұлттық саябағында жеңіл конструкциядан туристер орталығы салынды, бес глампинг алаңы, Аюсай шатқалында бес кемпинг орнатылды, Үлкен Алматы өзені арқылы 60 метрлік көпір салынды, және Аюсай шатқалының айналасындағы жолдар жабдықталды. Тағы екі визит орталығының құрылысы басталып, 220 жұмыс орны ашылды.
Министр Алматы тобындағы қалған ұлттық парктер үшін туристік инфрақұрылымды дамыту бойынша жоспарланған іс-шаралардың қоршаған ортаға әсерін алдын ала бағалау жүргізіліп, шағын сәулет нысандары орнатылғанын атап өтті.
Жұмыс жалғасып жатыр, инженерлік инфрақұрылым мен процестерді автоматтандыру бойынша жұмыстар жүргізілуде. ҚР ИИДМ және Алматы облысының әкімдіктерімен бірлесіп ұлттық саябақтарға инженерлік инфрақұрылым тартудың жол картасы бекітілді. Мәдениет және спорт министрлігінің басшысы Дәурен Абаев
