Қазақстан Республикасының еңбек және халықты әлеуметтік қорғау министрінің бұйрығымен Аида Дәденқызы Құрманғалиева ҚР ЕХӘҚМ аппаратының басшысы қызметінен босатылды, деп хабарлайды ҚР Премьер-министрінің баспасөз қызметі.
Аида Құрманғалиева 1970 жылы Қызылорда облысында дүниеге келген. Алматы халық шаруашылығы институтын бітірген.
Әр жылдары қаржы, экономика және бюджеттік жоспарлау министрліктерінде жұмыс істеді.
2009-2013 жылдары — ҚР денсаулық сақтау вице-министрі, «ҚазМедТех» АҚ Директорлар кеңесінің төрағасы.
2013-2021 жылдары — ҚР Еңбек және халықты әлеуметтік қорғау министрлігінің жауапты хатшысы.
2021 жылдың қаңтарынан бастап осы уақытқа дейін ҚР Еңбек және халықты әлеуметтік қорғау министрлігі аппаратының басшысы қызметін атқарды.
