Облыс әкімдіктерінің мәліметінше, жалпы астық жинаудың болжамды көлемі 18,3 млн тонна деңгейінде болады деп болжанды. Оның ішінде 13,4 млн тоннадан астамы - бидай.Ауыл шаруашылығы министрі Ербол Қарашүкеев
Сонымен қатар министрдің айтуынша, республикада 3,1 млн тонна көлемінде астықтың өткізу балансы бар. Оның ішінде бидай – 2,5 млн тонна.
Ауыл шаруашылығы министрлігінің басшысы өткізу балансын ескере отырып, жалпы астық жинаудың күтілетін көлемі республиканың ішкі қажеттілігін толық қамтамасыз етуге, сонымен бірге астықтың белгілі бір көлемін экспортқа өткізуге жеткілікті деп сендірді. Тиісінше біздің нарығымыздағы дәстүрлі сауда позицияларын сақтап қалу да ескеріледі.