Ол қандай шаралар туралы сөз болып отырғанын Еңбек министрлігінің басшысымен сөйлесу керек екенін атап өтті.
Өйткені нарық бәсекеге қабілетті және қарқынды дамып келеді. Мәселе сонда. Оны қандай да бір қатаң баға реттеуімен қадағалауға болады, бірақ кейін оны бақылау және реттеу қиынға соғуы мүмкін. Әр азаматтың соңынан жүріп: "Жалға беруге қандай баға қойдыңыз?" деп сұрап жүрмейміз ғой.Серік Жұманғарин
Вице-премьер-министр монополистер үстем құрылым бар жерде нарықты реттеуге болатынын, бірақ сатушылар көп болған кезде бұл өте қиын екенін қадап айтты.
26 қыркүйекте Еңбек және халықты әлеуметтік қорғау министрі Тамара Дүйсенова Қазақстанда жалға берілетін тұрғын үй нарығы толық реттелмегенін және оның көлеңкелі бөлігі көп екенін айтты. Оның айтуынша, нарықты пәтер иелерінің де, пәтер жалдап тұрғандардың да мүддесі қорғалатындай етіп реттеу керек.
