Вице-премьер Екібастұздағы жағдай үкіметтің бақылауында екенін атап өтті.
"Менің ойымша, жазалайтын уақыт келеді. Әуелі жағдайды мұқият шешу керек". ҚР премьер-министрінің орынбасары – Сауда және интеграция министрі Серік Жұманғарин
Министрдің айтуынша, Денсаулық сақтау министрлігі ауруханада қанша адам жатқаны, қанша әйел босанғаны және балалар туралы ақпарат береді.
"Температура жоғарылаған жағдайда Павлодардағы қосалқы аэродром дайындалып қойған. Бұл тұрғыда ешқандай проблема жоқ. Болған жағдай, әрине, жағымсыз, қорқынышты. Мұның бәрі жалпы тозуға байланысты". Серік Жұманғарин
Бұған дейін үкімет отырысында премьер-министр Әлихан Смайылов облыс әкімдеріне Екібастұздағы жағдайдан сабақ алуды тапсырған еді.
Қарашаның 27-сіне қараған түні апат салдарынан Екібастұзда жылу мен ыстық су беру тоқтатылды. Энергетика министрлігі жылу құбырлары жоғары деңгейде тозғанын хабарлады. Бұл 70%-дан астам құрылғы тозған деген сөз. Жылу желілерінің зақымдануын жоюға жедел бригадалар жұмылдырылды.
28 қарашада Екібастұзда төтенше жағдай жарияланды.
