БАҚ өкілдері Екібастұз ЖЭО-ның паритетті негізде жөнделетіні туралы ақпарат бар екенін атап өтті: 50%-ын меншік иесі, 50%-ын мемлекет инвестициялайды. Журналистер мұндай тәсіл салық төлеушілер үшін қанша шығатынын сұрады.
"Бұл мәселе әлі де күн тәртібінде тұр, ол қарастырылып жатыр. Егер мемлекет ЖЭО-ның 50% акциясын, 50% үлесін алса, онда біз оны қайта құруға өз үлесімізбен инвестиция салуға құқылы боламыз. Инвестор өз үлесі шегінде инвестиция салады. Бірақ басқа нұсқалар әлі түпкілікті пысықталмаған болуы мүмкін. Бұл туралы айту әлі ерте".Роман Скляр
17 ақпанда Сенат отырысында Роман Скляр Екібастұздағы жылу электр орталығындағы апатқа адамдардың үлкен тобы кінәлі екенін айтты.
Екібастұзда жыл басынан бері бірқатар үйлерде жылу талай рет үзілген.
2022 жылдың 27 қарашасына қараған түні Екібастұз қаласының тұрғын үйлеріне жылу және ыстық су беру ауқымды түрде тоқтатылды. Себеп ретінде Энергетика министрлігі жылу құбырларының тозығы жеткенін айтты.
Кейін Энергетика министрлігі Екібастұздағы апаттың жылу электр орталығында емес, жылу желілерінде болғанын түсіндірді.
