"Қазақстан Республикасының Энергетика министрлігі Ядролық сынақтарға жан-жақты тыйым салу туралы шарт бойынша ұлттық орган болып тағайындалсын", – делінген құжатта.
Жобада Ядролық сынақтарға жан-жақты тыйым салу туралы шарт бойынша ұлттық органды тағайындау көзделеді.
Құжатқа түсініктемеде Ядролық сынақтарға жан-жақты тыйым салу туралы шартқа сәйкес, әрбір қатысушы мемлекет ядролық қарудың сынақ жарылысын жасамауға, оның юрисдикциясындағы немесе бақылауындағы кез келген жерде ядролық жарылысқа тыйым салуға және оның алдын алуға міндеттенетіні жазылған.
Шарттың сақталуын жан-жақты бақылау сейсмикалық, радионуклидтік және инфрақызыл бақылау саласындағы қазіргі заманғы технологиялар қолданылатын ядролық сынақтарға жан-жақты тыйым салу туралы шарт бойынша ұйымға жүктелген.
Тексеру режимі Ядролық сынақтарға жан-жақты тыйым салу туралы шарт шеңберінде құрылады, оған сейсмологиялық, радионуклидтік, гидроакустикалық және инфрақызыл бақылау жүйелері жөніндегі іс-шаралар, сондай-ақ консультациялық рәсімдер, жергілікті жерлердегі инспекциялар және қауіпсіздік шаралары кіретін халықаралық мониторинг жүйесі кіреді.
Құжат 28 наурызға дейін талқылау үшін Ашық НҚА сайтында жарияланды.
