Жітіқарада жоғалған ер адамды құтқарушылар бірнеше шақырым жерден іздеп тапты

Қостанай облысында жоғалған ер адам Жітіқара маңынан аман-есен табылды, деп хабарлайды Zakon.kz Төтенше жағдайлар министрлігінің баспасөз қызметіне сілтеме жасап.

Кеше, 13 ақпанда сағат 22:00-ге жақын Қостанай облысы Жітіқара ауданы Милютинка кентінің тұрғыны Жітіқара қаласына қарай жаяу шыққан.

Ол межелі жерге жетпеген соң түн ортасында туыстары дабыл қағып, құтқарушылардың көмегіне жүгінді.  

Жедел-құтқару жасағының қызметкерлері 1991 жылы туған ер адам таңға қарай Жітіқара қаласынан 14 шақырым жерден табылып, елді мекенге жеткізілді.

Оған медициналық көмек қажет болмаған.