Қазақстандық теннисші карьерасында алғаш рет "Челленджердің" жұптық сынында жеңіске жетті

Қазақстандық теннисші Бейбіт Жұқаев украиналық Виталий Сачкомен бірге Манамадағы (Бахрейн) Челленджер сериясы турнирінің чемпионы атанды, деп хабарлайды Zakon.kz.

Жұқаев пен Сачко финалда Иван Лютаревичті (Беларусь)/Люка Санчесті (Франция) 36 минутта 6:4, 6:0 есебімен жеңді.

Қазақстандық теннисші карьерасында алғаш рет "Челленджердің" жұптық сынында жеңіске жетіп отыр.

Бейбіт Жұқаев бұған дейін Мысыр мен Астанада өткен ITF M25 санатындағы турнирдің жұптық сынында жеңіске жеткен еді.