Қырғызстан Қазақстанға гуманитарлық көмек жібермек

Бұл туралы 4 сәуірде жоғарғы кеңес отырысында министрлер кабинетінің төрағасы Ақылбек Жапаров хабарлады.

Сонымен қатар, ол Бішкектегі ЖЭО апаты кезінде Қазақстан Қырғызстанға бірден көмек қолын созғанын атап өтті, деп жазады 24.kg.

"Қазақстандықтар көмек сұрамаса да, біз оларға гуманитарлық көмек жібереміз. Сондай-ақ, осы мүмкіндікті пайдаланып, Өзбекстанға, Түрікменстанға және Қазақстанға алғысымды білдіргім келеді. Көрші мемлекет басшыларының жақсы саясатының нәтижесінде, біз олардан көмек көрсетуді сұрамастан, олар бізге қол ұшын созды.",- деді Ақылбек Жапаров.

Қырғызстан басшысының тапсырмасы бойынша гуманитарлық көмегі бар керуен қазір жөнелтуге дайындалуда.

"Бұл бойынша Төтенше жағдайлар министрі жұмыс істеп жатыр. Қазақстанға отандық өнімдер жіберіледі", - деді Жапаров.

Ол сондай-ақ 8 сәуірде Қырғызстанға Қазақстан премьер-министрі Олжас Бектенов келетінін айтты.

Еске салайық, 29 ақпанда Қазақстан Қырғызстанға Бішкектегі ЖЭО апаты кезінде екі мың тонна дизель отынын гуманитарлық көмек ретінде жіберген болатын.

Оқи отырыңыз

Құлжа тас жолында тағы бір жол апатынан бір адам мерт болды

17:54, 08 мамыр 2024

Парижге баратын соңғы мүмкіндік: балуандар Ыстамбұлдағы іріктеу сынына қатысады

17:23, 08 мамыр 2024

Алматы маңында төрт көлік соқтығысып, үш адам қаза тапты

16:36, 08 мамыр 2024