"CTS" ЖШС баспасөз қызметі "Астанабасжоспар" ұсынысы бойынша LRT желісінің екінші-төртінші кезектегі локациялары жарияланғанын хабарлады.
Мысалы, мынандай нұсқалар ұсынылған:
екінші кезекте – Қабанбай батыр даңғылынан ескі теміржол вокзалына дейін;
үшінші кезекте - "Нұрлы жол" теміржол вокзалынан ескі вокзалға дейін;
төртінші кезекте - Үркер тұрғын үй массиві (Ильинка) және Айтматов көшесі.
"Сөз етілген кезек локациялары ұсыныс ретінде айтылғанын атап өткен жөн. Екінші-төртінші кезектегі желілер құрылысы жүзеге асырылады дегенге әлі ерте". Елордалық көлік компаниясының баспасөз қызметі
Астананың бас жоспарының жобасын талқылау 2022 жылы 15-18 қараша аралығында "Астанабасжоспар" ҒЗЖИ" ЖШС ғимаратында өтеді.
19 қазанда Үкімет басшысы Әлихан Смайылов Астанада LRT құрылысына қосымша 20 млрд теңге бөлінетінін хабарлады.
